ازاي تنفض لواحده عايزه تخرج معاك

طبعا اسهل حاجه تقولها انك "مش عايز تخرج معاها " بس لو هتقدر تقول كده وش , و تتحمل العواقب المترتبه على صراحتك دى زى انها تلزق لك زياده او تزن عليك او انك تخسرها للابد
" و نصيحه متخسرش حد ممكن تحتاج له تانى فى اى يوم " و الحل الوسط انك تقدم حجه من الحجج دى ........
انا مش هاينفع نخرج عشان ...............

1-اصل انا اشتريت خلاط جديد و عايز اقعد اتدرب عليه

2-اصل انا عايز اتفرج على برنامج خلف الاسوار ,عاملين حلقه مع تامر حسنى
3-ابن خالتى سايب القطه بتاعته عندى و لازم اقعد معاها عشان عندها اكتئاب

4-فيه احتمال ان امريكا تضرب البلد النهارده

5-انا وصلت فى لعبه سوبر ماريو ل "ليفيل"صعب ...محتاج اقعد النهارده اركز شويه

6-انا رتبت اوضتى النهارده الصبح و بعدين اكتشفت انى وضبتها غلط , فاهضطر اقعد ارتبها من اول و جديد

7-بيقولك فيه مظاهرات فى البلد ..مش هاينفع نخرج

8- لازم اروح القسم ...كلمونى الصبح و قالوا لى عايزينك خمسه ...ادعيلي

9-امى مسافره و ماعنديش "اندروير "نضيف

10-مشغول النهارده ..اكتشفت ان التلاجه مليانه معلبات ...لازم اقعد اشوف تواريخ الصلاحيه و الانتهاء بتاعت كل واحده

11-غسلت شرابي و نشرته ,بس فيه فرده وقعت فى بلكونه الجيران , و الجيران مسافرين

12-اكتشفت انى من ساعه مااشتريت الشقه الجديده ما قعدتش فيها ساعتين على بعض ..لازم اقعد فى الشقه شويه علشان نتعود انا و هيا على بعض

13-عندى ميعاد مع الدكتور ,هاروح اعمل فحص كامل , حاسس انى مش مظبوط

14-رخصتى مسحوبه

15-اصل النهارده افتتاح جراج العماره ابعد تجديده ..لازم اكون موجود

16-اصل فيه ريحه غاز فى البيت ...لازم اعرف جايه منين

17-اصل فيه شرخ جامد فى العماره ..خايف احسن تقع علشان كده لازم اقعد الم كل حاجتى علشان ابقي جاهز لو حصلت اى حاجه

18-اصل ماما نازله تشترى كرسي متحرك ,لازم انزل معاها ,انا ما اقدرش اسيبها لوحدها بعد ما اتشلت بسببي

19-اصل حنفيه الحمام بتنقط و لازم اركب لها جلده النهارده قبل ما تغرق البيت

20-اصل انا واخد حكم ست شهور فى شيك ....و لازم اروح اسلم نفسي النهارده

21-اصل النهارده ميعادى مع الحلاق ,بقالى اسبوع مستني يفضى ساعه ,لا مش هاحلق,احنا رايحين نعزى فى ابو صديق مشترك

22-اصل انا اشتريت موبايل جديد ,و لازم احطه فى الشحن 24 ساعه متصلين

23-انا عايز اخرج معاكى بس عقلي الباطن بيقول لأ

24-انا عايز اخرج معاكى ,بس البرج بتاعى النهارده بيقول "مصائب فى الطريق اليك" ..لازم اقعد استناها

25-اصل انا لسه داخل البيت من اخر مره كنا فيها مع بعض

26-اصل النهارده عندى اجتماع مع "رابطه محبي عامر منيب "

27-اصل النهارده لازم اقعد ارد على كل الايميلات اللى جات لى الشهر دا

28-اصل انا مش لاقي فردتين شراب زى بعض

29-اصل انا مكتئب ..روحت النهارده لقيت كل الزرع اللى فى البيت مات

30-اصل انا غيرت كالون الشقه و مش معايا المفتاح الجديد

31-"لو كانت بتكلمك يوم الثلاثاء " ..اصل انا مبحبش اخرج يوم الثلاثاء

32-انبوبه الصمغ ضربت فى ايدى و انا دلوقتى لازق فى الدولاب

33-اخرج ازاى بس ,طب و الناس اللى عماله تموت ف العراق دى ...

34-اصل التلفزيون هايعرض النهارده فيلم مستنيه بقالى كتير ...."الحفيد"

35-اصل انا شاكك ان فصيله دمى B زى ما مكتوب فى البطاقه و لازم اروح اعمل تحليل جديد

36-اصل خالى هرب من السجن تانى

37-اصل النهارده السحب بتاع جوايز "البيت بيتك" و مش عارف ليه ..... حاسس انى هاكسب ..لازم اقعد اتفرج

لا بجد حجج جامده

انا لو مكانها ادبحك او اجيب لك شويه بلطجيه يخلصوا عليك

مشكور علي موضوعك

حرام عليكي دبح وبلطجه
مشكوره علي المرور

ههههههههههههههههههه
شكرا ليك على الحجج اهى تفيدنا فى المستقبل ههههههههه

اي خدمه يا حمص احنا في الخدمه

لا جدع فى الهروب من البنات
لو جدعه تخنقك وترتاح
مشكور يا برنس